İlham Cəfərov
İlham Cəfərov 14 fevral 1966-cı ildə Naxçıvan Muxtar Respublikası Şahbuz rayonunun Yuxarı Remeşin (indiki Güney Qışlaq) kəndində anadan olmuşdur. 1973-cü ildə Yuxarı Remeşin kənd orta məktəbinin birinci sinfinə daxil olub, 1983-cü ildə həmin məktəbi bitirmişdir. 22 aprel 1984-cü ildə müddətli hərbi xidmətə çağırılıb, Arxangelsk vilayəti, Karqopol şəhərində hərbi hissədə xidmətini başa çatdırıb. 1986-cı ildə ordu sıralarından tərxis olunmuşdur. 20 iyun 1986-cı ildən 1 sentyabr 1992-ci ilədək müxtəlif təşkilatlarda fəhlə işləyib 1996-cı ildə Naxçıvan Dövlət Universitetinin iqtisad-hüquq fakültəsinin hüquqşünaslıq ixtisası üzrə I kursuna qəbul olunub. 2000-ci ildə oranı bitirmişdir. Ali təhsilli hüquqşunasdır. 1993-cü ildən 2001-ci ilədək Naxçıvan MR Hərbi Məhkəməsində iclas katibi işləyib. Həmin tarixdən 2 fevral 2003-cü ilədək həmin məhkəmədə məsləhətçi olub. Sonra isə Naxçıvan MR Ali Məhkəməsinin hakimi, 29 iyul 2007-ci ildən Naxçıvan MR Ali Məhkəməsinin sədr müavini vəzifəsində çahşmışdır. Azərbaycan Respublikası Milli Məclisinin 13 iyun 2008-ci il tarixli qərarı ilə Azərbaycan Respublikası Ali Məhkəməsinin hakimi vəzifəsinə təyin edilmişdir. Mənbə:Ali məhkəmə
|