MÜSTƏQİLLİYİMİZİ DÖNMƏZ EDƏN LİDER
Əsrlər boyu xalqımızın azadlıq arzusunu, milli azadlıq, istiqlal
uğrunda mübarizəsini, dirçəliş hərəkatını boğmağa çalışan qüvvələr olmuşdu.
Xalqımız dəfələrlə öz milli azadlığına nail olmuş, milli dövlətini yaratmış, lakin
sonralar müxtəlif səbəblər üzündən onlardan məhrum olmuşdur.
Ən nəhayət, bu gün Azərbaycan
müstəqil dövlətdir və dövlətin yaradıcısı kimi şübhəsiz ki, dünya
azərbaycanlılarının ümummilli lideri Heydər Əliyev tarixdə qalacaqdır. Heydər Əliyev Azərbaycan
dövlət müstəqilliyinin möhkəmləndirilməsi, hüquqi dövlət quruculuğu, demokratik
yeniləşmə, iqtisadi islahatların aparılması, Ermənistanın hərbi təcavüzünün
ağır nəticələrinin aradan qaldırılması daxili, xarici siyasətin əsas
istiqamətləri və ictimai-siyasi həyatın digər həlli vacib olan məsələləri
uğrunda gördüyü əməli işlər danılmazdır. Azərbaycan Respublikasına ayrı-ayrı
naşı şəxslər rəhbərlik etdiyi vaxtlar hamı kimi mən də yaxşı tanıyıram. Qətiyyətlə
deyə bilərəm ki, heydər Əliyevin siyasi məktəbini örnək hesab edirəm. Bu
məktəbin Azərbaycan dövlətçiliyi uğrunda hansı rol oynayacağını xalqımız kimi
mən də çox gözəl bilirəm. Hələ gələcəkdə neçə-neçə nəsillər bu məktəbdən
bəhrələnib müstəqil dövlətimizə öz bəhrələrini verəcəklər. Özünün böyük siyasi öndərini
itirən xalqımız bu itkinin dözülməz olduğunu yaxşı anlayır. Xalqımız Heydər
Əliyev ətrafında sıx birləşməklə Heydər Əliyev şəxsiyyətinə, onun siyasi
kursuna olan inamlarını bir daha sübut etdilər. Ən ağır zamanlarda Azərbaycan xalqı
Heydər Əliyev dühasına sığındı və bir daha xilaskarını tapdı. Ulu öndər Heydər
Əliyevin xalqımız, dövətçiliyimiz üçün gördüyü işləri sadalamaqla qurtarmaz.
Xalq hər şeyi yaxşı görür və qiymətləndirir. Hamı gözəl bilir ki, bugünkü bütün
nailiyyətlərə görə hamımız dahi şəxsiyyət, tarixi şəxsiyyət, dünya
azərbaycanlılarının ümummilli lideri Heydər Əliyevə borcluyuq. Bundan sonra da
Heydər Əliyev siyasi məktəbindən bəhrələnən doğma Azərbaycanımız ən yüksək
inkişafına nail olaraq dünya miqyasında layiqli yerini tutacaqdır.
İlham İbrahimov,
Ağstafa
rayon əhalinin sosial
müdafiəsi mərkəzinin
direktoru
|