 DAHİ
ŞƏXSİYYƏT
XX
əsrin sonları Azərbaycan xalqı üçün çox ağır sınaq oldu. Torpaqlarımıza göz
dikən və xaricdəki havadarlarından dəstək alan ermənilərin silahlı müdaxiləsi
nəticəsində torpaqlarımızın 20 faizi işğal olunmuş, bir milyonadək əhali öz
vətənindən məcburi köçkünə çevrilmişdir. Həmin dövrlər Azərbaycana rəhbərlik
edən üzdəniraq, səriştəsiz rəhbərlərin başları vəzifə, kreslo davasına
qarışdığından ölkəmiz çox sürətlə dərin uçruma doğru yuvarlanırdı.
O
vaxtlar biz çox məşəqqətlərin şahidi olduq. Torpaqlarımızın itkisindən özümüzə
gəlməmiş bir-birinin ardınca ağır sınaqlara məruz qaldıq. Erməni faşistləri ilə
yanaşı daxili qüvvələr də xalqımızı olmazın bəlalara düçar etmişdilər. Ölkəmiz
parçalanmaq, dağılmaq təhlükəsi qarşısında qalmışdı.
Belə
bir ağır vaxtda ölkəni məhv olmaq təhlükəsindən xilas edəcək bacarıqlı bir
şəxsiyyət, sözü keçən lider lazım idi. Azərbaycan xalqı yekdilliklə dünya
şöhrətli siyasətçi, xalqımızın iftixarı, türk dünyasının böyük oğlu Heydər
Əliyevə müraciət etdi. Xalqın təkidli tələbi ilə hakimiyyətə qayıdan Heydər
Əliyev istiqlal və qurtuluş tariximizə yeni parlaq səhifələr yazdı.
Ötən
müddər ərzində görülən işlər, irəliyə doğru atılan möhtəşəm addımlar, həyata
keçirilən mühüm islahatlar ümummilli liderin adı ilə bağlıdır. Ümummilli
liderimiz 15 iyun 1993-cü ildə ölkə parlamentinə sədr seçilərkən demişdi: "Azərbaycan
xalqının tarixi nailiyyəti olan Azərbaycan Respublikasının dövlət
müstəqilliyini qorumağı, möhkəmləndirməyi, inkişaf etdirməyi özüm üçün ən əsas
vəzifələrdən biri hesab edirəm. Heç kəsin şübhəsi olmasın ki, ömrümün bundan
sonrakı hissəsini harada olursa-olsun, yalnız və yalnız Azərbaycan
Respublikasının müstəqil dövlət kimi inkişaf etməsinə həsr edəcəyəm”. Bu tarixi
sözlər xalqa ruh verdi, onu hər cür çətinlik və bəlalardan qurtulacağına
inandırdı.
İndi
fəxrlə deyə bilərik ki, Azərbaycan dünya dövlətləri sırasında layiqli yerini
tutur və dünyanın aparıcı dövlətləri ölkəmizin yürütdüyü siyasətlə, onun mövcud
durumu ilə hesablaşır. Azərbaycanla birgə əməkdaşlıq layihələri hazırlanır,
reallaşdırılır. Heydər Əliyevin şah əsəri olan müstəqil Azərbaycan beynəlxalq
aləmdə böyük nüfuza malikdir. Bu gün hər bir Azərbaycan vətəndaşı üçün belə bir
məmləkətdə yaşamaq və yaratmaq fəxrdir.
Novruz ABDULLAYEV,
Qazax rayonu üzrə
Maliyyə idarəsinin rəisi
|