MÜSTƏQİL AZƏRBAYCANIN QURUCUSU
Heydər Əliyev! Bu ad təkcə Azərbaycan tarixinə deyil, bütün dünya
tarixinə, xüsusən, ümumdünya siyasət-diplomatiya tarixinə əbədi həkk olunub. Bu
həqiqəti çağdaş dünyanın nəhəng, qüdrətli dövlətləri, beynəlxalq aləmdə sözü eşidilən
və keçən zaman siyasətçilər bu və ya başqa formada dönə-dönə etiraf və qəbul
ediblər.
Dövlətçiliyimizin xilaskarı,
xalqımızın müdrik rəhbəri kimi yaddaşlarda yaşayacaq Heydər Əliyev Azərbaycana
su və hava qədər lazımlı bir insan idi. Doğrudan da, onun haqqında keçmiş
zamanda danışmaq çətindən çətindir. Xalq Heydər Əliyevin ölməzliyinə inanır və
bu inamda səhv eləmir: çünki dahilər heç vaxt ölmürlər, onlar qəlblərdə əbədi
yaşayırlar. Dahi olduğuna görə ədə Heydər Əliyev şəxsiyyəti Azərbaycan dövlətinin
hər bir vətəndaşının, eləcə də bütün dünya azərbaycanlılarının qəlbində daim
yaşayacaq!
Xalqımız Heydər Əliyevi xüsusi
minnətdarlıq və məhəbbət hissi ilə xatırlayacaq. Çünki müstəqil Azərbaycanın bu
gün mövcudluğu ümummilli liderimiz Heydər Əliyevin adı ilə bağlıdır.
1969-cu ildə Azərbaycana
rəhbərlik etməyə başlayan Heydər Əliyev respublikada bütün sahələrin
maddi-texniki bazasının gücləndirilməsi yolunda çox böyük işlər görmüşdür.
Heydər Əliyev istər Bakıda,
istərsə də Moskvada-harada işləməsindən asılı olmayaraq, -həmişə Azərbaycan
üçün çalışırdı. Totalitar sovet rejimi Azərbaycana qarşı ögey münasibətinin
hökm sürdüyü ötən əsrin 70-ci illərində respublika rəhbərliyinə seçilən Heydər
Əliyev öz siyasi bacarığı və qazandığı nüfuzu sayəsində SSRİ dövlətinin
imkanlarından Azərbaycanın tərəqqisi üçün istifadə olunmasına nail olmuş, onun
inkişafına fədakar əməyini əsirgəməmişdir.
Müstəqillik dövründə yenidən
hakimiyyətə qayıdan bu böyük insan ölkədəki xaosu sabitliyə çevirmiş,
Azərbaycanı müstəqil dövlət kimi digər dövlətlər arasında tanıtmışdır. Dünyanın
ən nəhəng neft şirkətləri Azərbaycan dövləti ilə müqavilələr imzaladı ki, bu da
tarixə "Əsrin müqaviləsi” kimi daxil oldu. Azərbaycan dövləti bir sıra nüfuzlu
beynəlxalq təşkilatlara üzv oldu, dünyanın aparıcı dövlətləri ilə əməkdaşlığa
şərait yaradıldı, kənd təsərrüfatında əsaslı islahatlar aparılmağa başlanıldı.
Bütün bu işlərin görülməsində
Ulu Öndərimiz Heydər Əliyevin əvəzsiz və respublikada rəhbər vəzifəyə qatılması
prezident seçilməsi bir daha bütün bədxahlara sübut etdi ki, Azərbaycanı bütün
bəlalardan xilas edə biləcək Heydər Əliyev kimi müdrik oğlu var. Onun günəş
kimi şölə saçan işığının qüdrətindən bu gün ölkəmizdə siyasi sabitlik,
vətəndaşların konstitusiya hüquqları bərpa edilib. Bu sabitliyin qorunub
saxlanmasında dahi şəxsiyyətin siyasət məktəbində böyük dərs keçmiş ölkə
prezidenti cənab İlham Əliyevin xidmətləri danılmazdır.
Azərbaycan Respublikasının
möhtərəm Prezidenti, cənab İlham Əliyev də atasının yolunu şərəflə davam
etdirərək respublikamızın inkişafına diqqət və qayğı ilə yanaşır, Qarabağ
müharibəsinin ədalətli həlli sahəsində məqsədyönlü tədbirlər həyata keçirir.
Onun hər bir işini ölkə vətəndaşları qəbul edir, bəyənir və dəstəkləyir.
Elşad ÖMƏROV
Qazax Dövlət Sosial
Müdafiə Fondunun müdiri.
|