AŞIQ QADINLARIN ANTOLOGİYA KİTABININ TƏQDİMATI OLDU

Məlumat üçün bildirək ki, 05.11.2010-cu il tarixdə saat 12:00-da Azərbaycandakı Atatürk Mərkəzində "Aşıq Pəri Məclisi” - ozan sənətini təbliği ictimai birliyinin təşkilatçılığı və Azərbaycan Respublikasının Prezidenti yanında QHT-lərə Dövlət dəstəyi şurasının maliyyə yardımı ilə hazırlanmış "Aşıq qadınların antologiyası” kitabının I cildinin təqdimatı keçirildi.
Qeyd edək ki, redaktorları Əfqan Nəsirli və Samirə Məhəmmədqızı olan kitab üç bölümdən ibarətdir:
  I bölümdə əsasən indiyə qədər yaşayıb yaratmış aşıq və şairə adınlar haqqında qısa məlumat və yaradıcılıqlarında nümunələr verilmişdir.
  II bölümdə isə hal hazırda yaradıb-yaşadan aşıq və şairə qadınlar verilmişdir.
  III hissədə isə aşıq və şairə qadınlara həsr olunmuş şeirlər verilmişdir.
Tədbiri giriş sözü ilə açan Gülarə Azaflı tədbir iştirakçılarını salamladı və "Aşıq Pəri Məclisi”nin yaranma gününə təsadüf edən bu tədbirdə layihəni müsbət qəbul etdiyiniə görə, Azərbaycan Respublikasının Prezidenti yanında QHT-lərə Dövlət dəstəyi şurasına, onu sədri Azay Quliyevə öz minnətdarlığını bildirdi. Tədbirdə iştirak edən Solmaz Kosayeva, Fərqanə Mehdiyeva, Mütəllim Həsənov, Əfqan Nəsirli bu kitabın əhəmiyyətindən danışdılar, eyni zamanda bu kitabın dövlətin aşıq sənətinə qayğısının məntiqi nəticəsi olduğunu qeyd etdilər.