Sərdar Cəlaloğludan müxalifətin ünvanına kəskin ittihamlarBunlar
deyir ki, səlahiyyət məndə olsun, məsuliyyət başqalarında. Mən qərar
verim, kimlərsə küçələrdə qul kimi döyülüb, söyülsün"
Azərbaycan Demokrat Partiyasının(ADP) sədri
Sərdar Cəlaloğlu bəzi müxalifət liderlərinin birgə aksiya keçirmək
istəyinə münasibət açıqlayıb. Qaynar.info xəbər verir ki, ADP sədri
"Faktxəbər"ə açıqlamasında "ilk növbədə müxalifət liderləri səmimi
müxalifət birliyi yaratmağa nail olmalıdırlar ki, sonra da səmimi
birlik əsasında digər fəaliyyət göstərsinlər. Orqan olmasa, orqanın
funksiyası ola bilməz. Mitinq funksiyadır. Bir yerdə oturub, söhbət
edərək, hansısa məsələni həll edə bilmiriksə, mitinq kimi ciddi bir işi
necə təşkil edə bilərik? Müxalifət liderləri bir araya gəlib bir stolun
başında oturmaq istəmirlər. Mitinqi necə təşkil edəcəklər? Hərə öz
kabinetində oturub, telefonla bir-birinə nəsə deyib, əlaqə
yaradacaqlar? Bunların hamısı qeyri-səmimi yanaşmadır”. S.Cəlaloğlunun
sözlərinə görə, birlik özü olmalıdır ki, onun əsasında iş planı
müəyyənləşsin:" Sonra bu çərçivədə aksiya da keçirilə bilər. Əslində
aksiya vacib məqam deyil. Əsas xalq arasında inamı bərpa etmək və
müxalifəti bir araya gətirməkdir. Biz beynəlxalq və ictimai dəstək ala
bilməsək, mitinqlər necə alınacaq? Sabah mitinqlərdə zorakılğın qarşısı
necə alına bilər? Bunların hamısı düşünülmüş formada olmalıdır. Axı,
biz məsuliyyət daşıyırıq”. S.Cəlaloğlu Müsavat Partiyasından
gileylənib: "Müsavat həmişə mitinq təşkil edir, ADP-çilər tutulur.
Çünki, öz adamları yoxdur. Yalvarırlar ki, gəlin iştirak edin.
Tutulanların arxasınca mən gedirəm və bütün ağırlıq mənim çiyinlərimə
düşür. Bu işlərin hamısı həll olunduqdan sonra böyük aksiyalara getmək
olar. Əli Kərimli deyir ki, gedək mitinqə, kim tutulsa qoy tutulsun.
Mənim tutulanımın arxasınca Müsavat gəlmir. Hətta keçən aksiyada
birinci gedən və döyülən Cəmil olmuşdu. Heç onun adını çəkməmişdilər.
Başqa informasiya agentlikləri məlumat vermişdilər. Onlar isə
yazmışdılar ki, üç nəfər müsavatçı tutulub. Mən bunun tədbirinə
gedirəm, adamım tutulur, gör nə qədər məsuliyyətsizdirlər ki, hətta
bizim nümayəndənin adını vermək istəmirlər. Çünki, işin hamısını
Müsavat öz ayağına yazmağa çalışır. Keçən dəfə piketlərində 15 nəfər
bizdən iştirak etmişdi, 20 nəfər özlərindən. Bu dəfə də 4 nəfər bizdən
tutulub. Tutulanlar haqqında məlumat vermir, qayğı göstərmir və sair.
Ancaq öz üzvünün qayğısına qalır. Bunlar istəyirlər ki, kimsə gəlib
qərarlarını icra etsin”. Onların təkliflərini qəbul etməyəndə,
ictimaiyyətə çatdırırlar ki, guya biz mitinq tərəfdarı deyilik və
hakimiyyətə satılmışıq. Mən bunların oyunlarını yaxşı başa düşürəm.
Bunlar deyir ki, səlahiyyət məndə olsun məsuliyyət başqalarında. Mən
qərar verim, kimlərsə küçələrdə qul kimi döyülüb, söyülsün -
S.Cəlaloğlu vurğuladı. //QayNar
|