Vəba və ya saxtalaşdırılan Tarix  Millət vəkili Qənirə PAŞAYEVA
Həzrəti İsanın qulları belə bir ədalətsizliyi və saxtakarlığı necə edə bildilər və bilirlər?
Bu yazını özünü Türk, ya da Türk kökənli sayan hər kəsə ünvanlayıram "Bizdə riyakarlıq ana bətnində olarkən yaranır”
Erməni şairi Yeqişe Çarens Yenə
24 aprel gəldi. Bu tarix özü ilə bərabər qondarma "erməni soyqırımı”
hay-küyünü də gətirir…Bu günlərdə dünyanı "erməni şivəni” bürüyüb...
…Elə
tarixdə yaşayırıq ki, dünyanın bir hissəsi erməni yalanlarını gerçək
kimi tanıyaraq, Türk millətinin qüruru və şərəfini zədələməyə çalışır.
Bizə "soyqırım törətdiniz” deyirlər. Amma dediklərini özləri özlərinə
belə sübut edə bilmirlər.
Özünü Türk sayan İnsan! Səni gör bir
nədə ittiham edirlər, diqqətlə bax, duy və düşün! Şərəf və qürurunu
zədələməyə izn vermə! Ermənilərin və havadarlarının qondarma "soyqırım”
yalanlarına qarşı mübarizəyə qoşul, hər yerdə bu yalanları ifşa et və
doğruları çatdır! Erməni terror təşkilatlarının 20-ci əsrin əvvəlində
Anadoluda və bütün əsr boyu Azərbaycanda törətdiyi soyqırımları dünya
insanına söyləməkdən, anlatmaqdan yorulma və çəkinmə! Bu, özünü Türk
hesab edən hər birimizin borcudur. Türkün hansı coğrafiyada
doğulmasının, dünyanın hansı bucağında yaşamasının heç fərqi yoxdur.
Bu, bizim milli şərəf məsələmizdir!
Əlbəttə, bir çoxları
dediklərimizi qəbul etmək istəməyəcək, çünki onlar zatən belə bir
"soyqırım”ın olmadığını çox yaxşı bilirlər. Amma həqiqəti qəbullanmaq,
etiraf etmək işlərinə yaramır. Bu erməni yalanı bir çoxlarının keçmiş
və bu günkü maraqlarını təmin etməsinə kömək edir. Biri erməni
diasporundan gələcək səsin peşindədir, biri Türkiyəni bu yalanlardan
istifadə edərək daim təzyiq altında saxlamaq, daha başqa istəklərini
reallaşdırmaq arzusundadı, başqa biri Dağlıq Qarabağ əngəlinin
çözülməməsinə çaba xərcləyir, o biri Türklərə qarşı dünyada mənfi
münasibəti yaratmaq üçün erməni yalanından bəhanə kimi istifadə eləyir.
Hərənin öz çıxarı, öz karı var …
Qondarma "soyqırımı” tanıyan
ölkələrdə yaşayan İnsanımızın məsuliyyəti daha artıqdır. O ölkələrin
siyasətçilərini nə qədər səhv qərarlar qəbul etdiklərinə
inandırmalıyıq. Tanıyın O ölkələri! Ermənilərin
qondarma "soyqırım” iddialarını birinci tanıyan ölkə Uruqvaydır. Bu
ölkə 1965-ci ildən başlayaraq, 2004-2005-ci illərdə təkrar-təkrar
qondarma "erməni soyqırımı” iddialarını qəbul edib. Düşünə
bilirsinizmi? Uruqvaydan, heç Ermənistanın harda yerləşdiyinin belə
bilinmədiyi ölkədən başlayaraq yayılıb dünyaya bu vəba.
Bu
iddialları öz parlamentində rəsmiləşdirən ikinci ölkə Yunan Kipridir.
Bəli, Yunan Kipri! Təəccüblü heç nə yoxdu! Zatən Yunan Kipri nə vaxt
türklərin lehinə qərara "hə” dedi ki? Rumların parlamenti 1982-ci ildə
qondarma iddianı rəsmiləşdirib.
İlk üçlüyü erməni diasporunun
geniş yayıldığı Argentina tamamlayır. Argentina parlamenti erməni
könlünü fəth etmək üçün lap çox çırpınıb. 1993, 2003, 2004, 2005, 2006
və 2007-ci illərdə qondarma "erməni soyqırımı” iddialarını rəsmən,
dəfələrlə tanıyıb Argentina. Onlar tarixi 6 dəfə saxtalaşdırıblar.
Ermənilərin
qondarma "soyqırım” iddialarını tanıyan 4-cü ölkə Rusiyadır. Rusiya
qondarma "erməni soyqırımı”ndan yararlanmaq fürsətini əlindən
qaçırmayıb. Təccüblənməyə dəyməz! Ermənilərin Qafqaza, tarixi
Azərbaycan torpaqlarına köçürülməsinin müəllifi olan və daim onlardan
maraqları üçün istədiyi kimi istifadə edən Rusiya bu fürsəti əldən verə
bilməzdi. Heç vermədi də.
Rusiya Dumasının erməni saxtakarlığına
"hə” deyən deputatları başqasının yox, elə 20-ci əsrin əvvəllərində
Anadoluda Rus konsulu olmuş Mayevskinin «Bitlis və Van vilayətləri
statistikası» adlı raportunu da görmək istəmədilər. Mayevski həmin
sənəddə "Daşnak” və "Hıncak” erməni terror təşkilatlarının Anadoluda
müsəlman türklərə qarşı törətdiyi qətliamlardan yazıb: "Ermənilər
tərəfindən Türkiyədə törədilən qətliamın məsuliyyəti öncə ithal
komitələri ilə birlikdə hərəkət edən Erməni İhtilalçiləri, sonra
bunları qoruyan və təşviq edən bəzi yabançı hökumətlərdir. Türk zülmü
bir gerçək olmayıb, istəyərək uydurulmuş siyasi bir heykayədir.
Həqiqəti olduğu kimi söyləmək gərəkdirsə, qətliam törədənlər
müsəlmanlar deyil, ermənilərdir. Sonra törətdikləri bu zülmü himayəsiz
müsəlmanlara yükləmişlərdir”.
Rusiya Duması millət vəkilləri Ərzurum
Rus İkinci Topçu Alayın Komandiri Albay Tverdo-Xlebovun xatirələrini də
oxumaq istəməyiblər. Xlebovun ermənilərin ona 27 fevral gecəsi 3000
dinc Türkü öldürdüklərini söyləməsi, erməni silahlı dəstələrinin
Türklərə qarşı törətdiyi qanlı hadisələr barədə xatirələrini yazıb. Heç
Rusiyanın Şərq Orduları Başkomandanı general Odişelidzenin 1919-cu ildə
Tiflisdə yayımlanan «Zakafkaziya və Gürcüstan» adlı sənədlərdən ibarət
əsərdə 1918-ci ildə Ərzincan və Ərzurumda ermənilərin yerli Türk
əhalisinə qarşı törətdikləri qətliamdan geniş bəhs etməsi də Duma
deputatlarının vicdanını tərpətməyib. 1995-ci ildə qondarma erməni
soyqırımını tanıyan Rusiya 10 il sonra bu qərarını bir də təkrarlayıb.
Bu
saxtakarlığa imza atan beşinci ölkə Kanadadır. Kanadada da erməni
yalanlarına çox aludə olublar. Bu ölkənin parlamenti 1996, 2000 və
2004-cü illərdə qondarma "soyqırımı” müzakirə edib və tarixin
saxtalaşdırılmasına dəstək verib.
1996-cı ildə Yunanıstan da bu
siyahıya qoşulub. Yenə təəccüblənməyək! Türkiyənin əlehinə olan işlər
yunan siyasətçiləri üçün həmişə müzakirəyə açıqdır.
Siyahıda
müsəlman ölkəsi olsa da, ermənilərə dəstəyi ilə tanınan Livan da var.
Livanda 1997 və 2000-ci illərdə erməni saxtakarlığına dəstək verilib.
İnsan haqlarından dəm vuran Belçika parlamentariləri 1998-ci ildə heç bir sübutu olmayan bir hay-küyü dəstəkləyiblər.
2000-ci
ildə qondarma "erməni soyqırımı” iddialarını İtaliya parlamentariləri
və Vatikan da qəbul edib. Ən azı dini mərkəz olan Vatikan belə bir
addım atmamalı idi. Həm italiyanların, həm də Vatikandakıların
İngiltərə Xarici İşlər Nrazirliyində saxlanılar sənədlərə əlinin
çatması mümkün idi. O sənədlər isə başqa həqiqətlərdən xəbər verir.
Məsələn, o sənədlərdən birində 1920-ci ilin 11 martında İngiltərənin
Xarici İşlər Naziri Lord Kurzonun Lordlar Palatasında bir görüşdə
dediyi «Ermənilər bəzi şəxslərin və çevrələrin qəbul etdikləri və
etməyə hazır olduqları kimi məsum bir quzu deyillər və indi əlimdə
ermənilər tərəfindən Türklərə qarşı törədilən qanlı hadisələri əks
etdirən sənədlər var» fikirlərini oxumaq mümkün idi. Amma etmədilər,
heç bir tarixi araşdırmalar aparılmadan hansısa siyasi maraqlara tarix
qurban verildi və yanlış qərar qəbul edildi. Adamın tarixə yazığı
gəlir!!!
Və daim ermənipərəst mövqeyi ilə seçilər Fransa… Ötən
əsrin ortalarında Əlcəzairdə törətdiyi hadisələrə qiymət verməyə
tələsməyən Fransa parlamentariləri 95 il əvvəlin tarixini araşdırmaqla
məşğuldur. Amma maraqlıdır ki, onları öz millətindən olan və 1915-ci
illərdə Osmanlıda fəaliyyət göstərən fransızların da yazdıqları
maraqlandırmır. 2001-ci ildə qondarma "erməni soyqırımı”nı tanıyan
parlamentarilərin bir çoxu hətta bu yalançı tarixi inkar edənləri
cəzalandırmaq arzusuna da düşüblər.
Əgər belə olmasaydı, heç olmasa, Jean Laurentin 1912-ci ildə ermənilər barədə yazdıqlarını oxuya bilərdilər.
Axı
dünyada saxtalaşdırılmayan həqiqətlər də var. Amerikalı tarixçi Justin
Mc Carthy "Ölüm ve Sürgün" adlı əsərində yazır ki, Birinci Dünya
Müharibəsindən sonra İstanbulu işğal edib, Osmanlıların bütün arxiv və
yazışmalarını əllərinə keçirən İngiİtərə və Fransa bütün çabalarına
rəğmən Osmanlı dövlətinin erməniləri planlı şəkildə qətlə yetirməkdə
suçlayan heç bir dəlil tapa bilmədi.
Türkiyə ilə Ermənistan
arasında Sürüx protokollarının imzalanması üçün dəridən-qabıqdan çıxan
İçveçrə də qondarma "erməni soyqırımı”nı tanıyan ölkələrdəndir. Cəmi 6
il əvvəl İsveç parlamenti qondarma "erməni soyqırımı” barədə qərar
qəbul edib. Hələ üstəlik bunu inkar edənləri cəzalandırmaq arzusuna da
düşüblər.
Siyahıda Hollandiya və Slovakiya da var. Hər iki ölkənin
parlamentariləri 2004-cü ildə qodarma erməni soyqırımın rəsmən qəbul
edib. Onları da tarix oxumaq yox, tarixlə bağlı hökm vermək
maraqlandırıb. Məsələn, ABŞ Senatının 1921-ci ildə yayımladığı sənəddə
deyilir: «Təəssüf ki, Senatın arxivindəki 33 min sənəd arasında
soyqırımı sübut edəcək heç bir sənəd yoxdur. Olanlar isə ermənilər
tərəfindən ifadə edilən, fəqət ikinci əldən heç bir hüquqi dəyəri
olmayan sənədlərdir”.
2005-ci ildə bu siyahıya Polşa və böyük türk icmasının yaşadığı Almaniya da daxil olub.
Baltikyanı
ölkələr arasında isə Litva parlamentariləri ermənilərin bu qondarma
"soyqırım” iddialarını 2005-ci ildə qəbul edib. Həmin ildə Cənubi
Amerikanın digər bir ölkəsi Venesuela, 2007-ci ildə isə Çili
parlamentariləri də qondarma "erməni soyqırımı” iddialarını qəbul
edərək tarixi saxtalaşdırıblar. 2010-cü ildə İsveç də bu sıraya daxil
oldu.
Belə... ... 1919-cu ilin 25 sentyabrında ABŞ-dan
general Harbordun rəhbərliyi ilə Ərzuruma araşdırma aparmaq üçün gələn
heyət üzvləri Yanıqdərədə, Qarsqapısında Ezirmikli Osman Ağa və Mürsəl
Paşa mülklərində ermənilər tərəfindən Türk insanına qarşı törədilmiş
qətliamın şahidləri olduqları zaman belə demişdilər:
- Həzrəti İsanın qulları necə belə bir qətliam törədə bildilər? Hətta
Ərzurum
və ətrafında gördükləri vəhşət qarşısında dəhşətə gələn general Harbord
bundan sonra İrəvanda görüşdüyü daşnakların əllərini sıxmamışdı.
Bu siyahıya baxıram və yenə ağlımdan o sual keçir:
- Həzrəti İsanın qulları belə bir ədalətsizliyi və saxtakarlığı necə edə bildilər və bilirlər?
...Məhşur bir misalda deyildiyi kimi! Kim deyir ki, Avropa ədalətlidir?! *** Siyahıya
baxıram, proseslərə və tarixə nəzər salıram. Avropanın qondarma "erməni
soyqırımı”nı tanıma kampaniyası Türkiyənin Avropa Birliyinə daxil
olması reallığı ortaya çıxandan və bu məkanda türklərin sayının artmağa
başladığı vaxtda daha da sürətlənib. Başa düşülməyəsi nə var ki?
Heç
kim tarix oxumaq istəmir. Türklərin yazdıqları bir yana, "bizə soyqırım
ediblər” deyən ermənilərin tarixçilərini belə oxuyan yoxdu. Bu qondarma
"soyqırımı” iddialarını irəli sürən ermənilərin 20-ci əsrin əvvələrində
yaşamış liderlərindən 1918-ci ildə qurulan Ermənistan dövlətinin ilk
baş naziri Ovanes Kaçaznuninin «Daşnak Partiyasının yapacağı bir şey
yox» ( The Armenian Revolutionary Federation(Dashnaksoution) Has
Nothinq To Do Any More) kitabını, Artaşes Karinyanın «Erməni
Milliyyətçi Akımları», «İmperialist Savaş və Ermənistan»(1925) də daxil
olmaqla çoxlu sayda digər əsərlərini, erməni tarixçisi Lalayanın
«Daşnak Partiyasının qarşıdevirimçi rolu»da daxil olmaqla yazdıqlarını
oxuyan olsa, ermənilərin özlərini və havadarlarını necə ifşa
etdiklərini, əslində Türklərin ermənilərə qarşı heç bir soyqırım
törətmədikləri barədə etiraflarını, həm də bir çox dövlətlərin bu
hadisələrdə iç üzünü açıb göstərən çoxlu sayda faktları görə
biləcəklər. Sadəcə oxumaq, kor və kar olmamaq gərəkdi.
Tanınmış
erməni mütəxəssisi Levon Dabeqyan yazırdı: "…ermənilər öz milli varlığı
üçün birbaşa …türklərə borcludur. Əgər biz bizanslılar və ya başqa
Avropalılar arasında qalsaydıq, erməni adı ancaq tarixi kitablarda
saxlanardı”.
Bunun əvəzində isə Türklər saxta soyqırım ittihamları ilə üz-üzə qaldılar. İbrət çıxarmağa dəyər!
Qondarma
erməni soyqırımı iddiaları... Bu bir vəbadı. Başını alıb gedir. Heç kim
dönüb nə olduğu ilə maraqlanmaq, tarixi vərəqləmək, bir fakt, dəlil
tapmaq həvəsində deyil. Heç kim araşdırmaq istəmir, hamı hökm verir.
Adamın tarixə yazığı gəlir, adam tarixin yerinə utanır! *** Türk
İnsanı! Hansı coğrafiyada doğulmağından və yaşamağından asılı olmayaraq
bu yalanlara qarşı vuruş! Bu bizim milli şərəf və milli borc
məsələmizdir.
"Yalanlara qarşı savaşacam, ədalətin yerini tapması üçün çalışacam və həqiqətlərin təbliği üçün yaşayacam!”
... Bu düşüncə və əməllə yolumuz açıq olsun! (Qaynaq: LENT.AZ)
|