14.27.52 Mətbuat açıqlaması | |
 "Aşıq qadınların antologiyası” kitabı nəşr olunacaq
Mayın 27-də Aşıq Pəri Məclisi-ozan sənətinin təbliği ictimai birliyi öz qərargahında mətbuat konfransı keçirdi. Konfransı giriş sözü ilə açan təşkilat rəhbəri iştirakçıları salamlayarq, onları 28 may-Respublika günü münasibətilə təbrik etdi. Sonra konfransın keçirilmə səbəbini açıqlayan sədr, bildirdi ki, Azərbaycan Respublikasının Prezidenti yanında Qeyri-hökumət Təşkilatlarına Dövlət dəstəyi Şurasının maddi yardımı ilə Aşıq Pəri Məclisi-ozan sənətinin təbliği ictimai birliyi "Aşıq qadınların antologiyası” kitabının nəşrinə başlayıb. Kitab 4 hissədən ibarət olacaq. 1-ci hissədə yaradıcılıqla məşğul olmuş şairə aşıqların şeirləri, 2-ci hissədə hazırda yaşayan yaradıcı aşıq qadınların əsərləri, 3-cü hissədə ifaçı aşıq qadınlar barədə məlumat, 4-cü hissədə isə aşıq qadınlara həsr olunmuş şeirlər və yazılar dərc ediləcək. Kitab iyun ayının sonuna qədər hazır olacaq və geniş təqdimat mərasimi ilə oxuculara təqdim olunacaq. Daha sonra söz alan məclis üzvü Maral Yıldırım bu kitabın nəşrinin vacibliyini vurğuladı və bunun milli dəyərlərimizin qorunub saxlanmasında və inkişaf etdirilməsində böyük rolu olacağını dedi. Jurna-list-lərə məlumat verən təşkilatın mətbuat xidmətinin rəhbəri Zöhrə Xəlili bidirdi ki, bu il Aşıq Pəri Məclisinin 25 yaşı tamam olur. Bu yubiley Mədəniyyət və Turizm Nazirliyi tərəfindən yüksək səviyyədə qeyd olunacaq. Tədbirin sonunda aşıq və şairə qadınların ifasında müxtəlif saz havaları ifa olundu və şeirlər söylənildi.
Rakim SAKİTOĞLU
| |
|
| |
| Всего комментариев: 2 | |
|
| |
